Malampusong napahigayon ang Opening Program alang sa tulo ka adlawa nga Capacity Building Training sa mga Barangay Tanod sa lungsod sa Polanco Zamboanga del Norte nga gipahigayon niadtong Abril 29, 2026, didto sa Polanco Gymnasium, Poblacion North, Polanco, Zamboanga del Norte.
Ang maong pagbansay-bansay gisalmotan sa gibana-banang 150 ka mga tanod gikan sa 30 ka barangay nga gipangunahan sa Polanco Municipal Police Station ubos sa pagpangulo ni PCPT JEOFFERD CELESTINO, Officer-in-Charge, uban sa koordinasyon sa Department of the Interior and Local Government, ug uban sa hingpit nga suporta sa Local Government Unit sa Polanco, sa pagpangulo Municipal Mayor sa Polanco nga si Hon. Shaia Ruth Uy, Municipal Mayor.
Sa maong kalihokan mipadayag ug makapadasig nga mensahe ang Provincial Director sa ZNPPO, nga si PCOL REYDANTE ARIZA, ug gisundan usa nila ni Mr. Chandiramani Obut, MLGOO-Polanco, ug Hon. Shaia Ruth Uy nga nagpasiugda sa mahinungdanong tahas sa mga barangay tanod sa pagpasiugda sa kaluwasan, seguridad, ug lig-on nga panag-uban sa komunidad.
Pinaagi niini nga inisyatiba mapalambo ang kahibalo, kahanas, ug kaandam sa mga barangay peacekeeping personnel sa pagpatunhay sa kalinaw ug kahapsay sulod sa ilang tagsa-tagsa ka komunidad.(MEDALYN U. BORJA)
Source: Polanco Municipal Police Station ZNPPO