Usa ka dako nga pag-ila sa kalampusan sa public health program sa siyudad ang nadawat sa Dapitan human kini gipasidunggan sa Ligtas Tigdas Awards tungod sa exemplary performance niini sa immunization ug child health protection.
Gihatag ang pasidungog sa usa ka seremonyas sa Zamboanga City, diin giila ang Dapitan City isip usa sa mga outstanding local government units sa rehiyon tungod sa padayon ug episyenteng implementasyon sa mga vaccination programs.
Ang maong award nagpasabot nga ang Dapitan dili lang aktibo sa kampanya sa pagbakuna, kundili giila usab isip modelo sa pagpanalipod sa kabataan batok sa mga sakit nga mapugngan pinaagi sa bakuna.
Gidawat ang pasidungog nila City Councilor Alexandra Judith P. Meily, Chairperson sa Health Committee, ug City Health Officer Dr. Jiddah B. Chan, nga mipasidungog usab sa dedikasyon sa mga health workers ug suporta sa lokal nga gobyerno ubos sa liderato ni Mayor Evelyn “Belen” T. Uy.
Pinaagi niini nga award, gipalig-on ang imahe sa Dapitan isip usa ka siyudad nga seryoso sa pagpanalipod sa kinabuhi sa kabataan ug sa pagpalambo sa tibuok komunidad pinaagi sa lig-on nga health system.(IKEN B. GULLEM)
Source: City Government of Dapitan