Girespondehan sa Emergency Medical Services sa Liloy Municipal Fire Station ang usa ka emerhensiyang medikal sa Fatima Central School sa Barangay Fatima, Liloy, diin usa ka estudyante ang naangol human mahulog.
Pag-abot sa mga responder, ilang nasuta nga ang pasyente kay alerto ra ug makatubag apan adunay gidudahang closed fracture sa tuo nga kamot. Gihatagan dayon siya og first aid pinaagi sa pag-immobilize ug pagbutang og splint sa samad nga bahin samtang gisukod ang iyang vital signs.
Human sa inisyal nga pag-atiman, luwas nga gidala sa BFP ambulance ang pasyente ngadto sa Liloy Integrated Health District Hospital alang sa dugang medikal nga ebalwasyon ug pagtambal.
Padayon nga gibantayan sa EMS personnel ang kahimtang sa pasyente atol sa biyahe aron masiguro ang iyang kaluwasan hangtod nga natugyan siya sa mga medical staff sa ospital.(JENIFFER JR. DELICA)
Source: BFP R9 Liloy Fire Station