Mipahigayon ug Feeding program ang mga personahe sa 901st Maneuver Company,RMFB 9 ngadto sa mga kabataan sa Barangay Council sa Poblacion Alto, Sergio Osmeña, Zamboanga del Norte,isip kabahin sa selebrasyon sa Nutrition Month ug sa ika-31 nga Police Community Relations Month,nga gipahigayon niadtong Hulyo 30,2026.
Gihimo ang programa pinaagi sa pagpangulo ni PLT RITZ VICTOR O ADAWAG (PCR PCO) ug ubos sa pagdumala ni PMAJ MAHMOD S ALAM (Officer-in-Charge) sa 901st Maneuver Company RMFB 9.
Ang maong programa nagpakita sa hiniusang pasalig sa Philippine National Police ug sa lokal nga gobyerno nga isulong ang hustong nutrisyon, pauswagon ang kaayohan sa komunidad, ug palig-onon ang diwa sa boluntaryong pagserbisyo ug kooperasyon.
Kini nga inisyatibo nagsilbing pahinumdom nga ang hiniusang paningkamot ug tinuod nga serbisyo publiko makahimo og mas himsog, mas mahigugmaon, ug mas lig-on nga komunidad nga labaw pa sa paghatag og pagkaon.
Ang PNP padayon sa ilang lig-on nga pagtukod nga relasyon sa katawhan nga makapadasig sa paghatag ug paglaom nga makapalambo sa pagsalig, ug makatabang sa kinatibuk-ang kaayohan sa matag Pilipino
pinaagi sa mga makahuluganon nga mga serbisyo.(MEDALYN U. BORJA)
Source: PNP 901st Maneuver Company ,RMFB 9