Mitambong sa gipahigayon nga Company sa Security Coordination Meeting ang mga personahe sa 7th ZNCAAC-II niadtong Hulyo 29, 2026, mga alas 1:30 sa hapon, Hall 2, Capitol Building, Estaka, Dipolog City.
Gipasiugdahan ang maong panagtigom sa Provincial Government sa Zamboanga del Norte isip pagpangandam alang sa ika-292 nga Tzu Chi Medical Mission niini.
Atol sa tigom mitambong sila si Engr. Alfonso S. Gorre (CAA-II Focal Person), Cpl. Eljhon P. Bugay (INF) PA (Patrol Base Commander), ug CAA-II Junjun B. Gutierrez (CAA-II Overall Post Commander), uban ang mga personahe gikan sa Dipolog City Police Station ug Zamboanga del Norte Police Provincial Office (ZNPPO).
Tumong niini nga malig-on ang koordinasyon tali sa nagkalain-laing ahensya ug masiguro ang luwas ug hapsay nga pagpahigayon sa maong humanitarian mission.
Ang panaghiusa, koordinasyon, ug dedikasyon, sa mga kawani magpabilin alang sa lig-ong paghatag og seguridad sa matag humanitarian mission alang sa pagserbisyo sa katawhan aron masiguro ang kalampusan.(MEDALYN U. BORJA)
Source: Scaa Zamboanga del Norte