Nagpahimangno ang Kagamhanan sa Lalawigan sa Sugbo sa publiko nga magbantay batok sa leptospirosis tungod sa padayon nga kusog nga ulan ug posibleng pagbaha.
Matod ni Dr. Elisse Nicole Catalan, ang tubig-baha mahimong kontaminado sa ihi sa ilaga ug ubang hayop. Ang bakterya mahimong mosulod sa lawas pinaagi sa samad, mata, ilong, o baba.
Gitambagan ang mga residente nga likayan ang pagtamak sa baha. Kung dili malikayan, magsul-ob og botas, taboni ang samad, ug manghugas dayon gamit og sabon ug limpyo nga tubig.
Kung adunay sintomas sama sa hilanat, sakit sa kaunoran, pagpula sa mata, o uban pang balatian human pagtamak sa baha, magpakonsulta dayon sa doktor ug likayi ang pag-inom og antibiotics nga walay tambag sa health professional.
I via Renante Socia Lada