SINDANGAN, ZAMBOANGA DEL NORTE — Gipahigayon ang Exit Conference alang sa Audit Calendar Year 2025 uban sa partisipasyon sa mga opisyal sa lokal nga panggamhanan sa Sindangan nga gipangulohan ni Mayor Glona G. Labadlabad ug sa mga miyembro sa Sangguniang Bayan ubos sa liderato ni Vice Mayor Florentino “Boy” Sy.
Atol sa maong tigom, gipresentar nila Atty. Katrina Arcana, Supervising Auditor, ug Atty. Mae Curam, Audit Team Member gikan sa PSAO-Dapitan City, ang resulta sa audit lakip na ang mga obserbasyon, findings, ug rekomendasyon kalabot sa paggamit sa pondo publiko, implementasyon sa mga proyekto, ug operasyon sa LGU.
Nahimong importante nga plataporma ang exit conference aron mas mapalig-on ang koordinasyon tali sa Commission on Audit ug mga lokal nga opisyal sa pagpatuman sa transparency, accountability, ug responsableng pagdumala sa pondo sa katawhan.
Gipakita usab sa LGU-Sindangan ang ilang padayong commitment sa good governance pinaagi sa pagdawat sa mga rekomendasyon aron mas mapalambo pa ang serbisyo publiko ug masiguro ang episyente ug matinud-anong pagdumala sa mga programa alang sa katawhan.(JENIFFER JR. DELICA)
Source: Municipality of Sindangan