Malampusong gipahigayon sa Liloy District Jail ang Satellite COMELEC Registration alang sa Persons Deprived of Liberty (PDL) aron masiguro nga ang kwalipikadong mga PDL adunay higayon nga makarehistro ug makabotar sa umaabot nga eleksyon.
Ang maong kalihokan gipasiugdahan sa COMELEC Liloy nga gipangulohan ni Election Officer Ma’am Marivic Mejos uban sa suporta sa Liloy District Jail ubos sa liderato ni JCINSP Joseph Rey M. Lendio.
Pinaagi niini, gipadali ang proseso sa voter registration sulod sa jail facility aron mahatagan og oportunidad ang mga PDL nga mapadayon ang ilang katungod isip kabahin sa demokratikong proseso sa nasod.
Gipakita sa hiniusang paningkamot sa COMELEC ug BJMP ang ilang commitment sa inclusivity ug patas nga paghatag og serbisyo publiko, ilabina sa pagpalig-on sa civic responsibility ug partisipasyon sa eleksyon bisan sa mga anaa sa custodial facility.(JENIFFER JR. DELICA)
Source: Liloy District Jail- BJMPR9