Malampusong napahigayon ang Executive Briefing alang sa mga bag-ong napili ug gitudlo nga mga opisyal sa syudad, nga gipasiugdahan sa Department of the Interior and Local Government (DILG), didto sa Amphitheater, ikaduhang andana sa New Government Center, Barangay Dawo, Dapitan City niadtong Hulyo 29, 2025.
Gisalmotan kini ni FSINSP Aprilyn B. Barbazo, JD, Acting City Fire Marshal sa Dapitan City Fire Station, uban sa mga dagkong opisyal sa lokal nga kagamhanan, lakip si Hon. Evelyn T. Uy, City Mayor sa Dapitan, ug uban pang mga opisyal sa syudad.
Ang maong kalihokan nagtumong sa pagpangusog sa koordinasyon ug kolaborasyon tali sa Bureau of Fire Protection (BFP) ug sa City Government of Dapitan. Kini usa ka lakang aron mas mapaayo ang kampanya sa kaluwasan batok sa sunog, pag-andam sa katalagman, ug pagpalig-on sa kapasidad sa emerhensya.
Pinaagi sa maong Executive Briefing, gilauman nga mas mapalig-on ang relasyon sa matag ahensya sa gobyerno aron mas epektibo ang pagserbisyo sa katawhan sa Dapitan. Ang aktibidad nagsilbi usab nga plataporma sa pagpaila ug pagsangkap sa mga bagong lider sa ilang papel ug responsibilidad sa pagdumala sa lokal nga panggamhanan.(Jumalisa Papa)
Source: BFP R9 Dapitan City Fire Station