Gidakop sa mga otoridad ang usa ka 62 anyos nga mag-uuma homan kini mang dagmal sa iyang asawa mga alas 8:10 sa gabii niadtong Mayo 31, 2026,didto sa Purok 2, Barangay Tabon, Jose Dalman, Zamboanga del Norte.
Ang maong dinakpan nga suspek naila nga usa ka 62 anyos, minyo, usa ka mag-uuma, ug residente sa Barangay Tabon, giingong ubos sa impluwensya sa makahubog nga ilimnon, nakiglalis sa iyang asawa, nga biktima nga usa ka 65 anyos, usa ka ginang sa panimalay, ug residente sa samang barangay.
Basi sa imbestigasyon,nasayran nga mga alas 8:55 sa gabii sa samang petsa, ang Jose Dalman MPS nakadawat og tawag sa cellphone gikan sa usa ka nagpakabana nga lungsuranon nga nagreport og kagubot sa nasangpit nga Barangay, mga siyam ka kilometro gikan sa estasyon sa pulis.
Ang kapulisan dali nga miadto sa lugar ug miabot mga alas 9:25 sa gabii aron mohimo og imbestigasyon ug interbensyon sa pulis.
Sa inisyal nga imbestigasyon, adunay nahitabo nga panaglalis sa suspek ug biktima nga misangpot sa pagpanagpa sa suspek ngadto sa biktima kaduha, ug pagbunal sa wala ug tuo nga aping, nga nakaingon sa pisikal nga kadaot sa biktima.
Ang suspek gilayong gidakop sa mga kawani sa Jose Dalman Municipal Police Station (MPS) tungod pagdagmal sa iyang asawa nga hingpit nga paglapas sa Republic Act No. 9262, o nailhan usab nga Anti-Violence Against Women and Their Children Act of 2004.
Gipahibalo ang suspek sa iyang mga katungod sa institusiyon ug gidala sa Rural Health Unit (RHU) sa Jose Dalman alang sa medikal nga eksaminasyon ug dayon gitugyan sa Jose Dalman MPS alang sa hustong disposisyon ug dokumentasyon.(MEDALYN U. BORJA)
Source: ZNPPO