Gidala sa Labason Municipal Fire Station Emergency Medical Services ang usa ka estudyante ngadto sa Labason District Hospital human mahulog gikan sa lingkoranan samtang iya kining gitindugan didto sa Barangay Malintuboan, Labason ug nagreklamo og pagkalipong.
Pag-abot sa mga responder, ilang gisusi ang kahimtang sa pasyente nga nakit-an nga alerto ug nakatubag pa sa mga pangutana. Nasuta usab nga adunay bun-og sa tuo nga bahin sa ulo ug sa wala nga siko, apan walay namatikdang pagdugo.
Gihatagan dayon sa first aid ang pasyente ug padayon nga gibantayan ang iyang kahimtang aron masiguro nga walay pag-usab sa iyang lebel sa panimuot ug uban pang posibleng komplikasyon.
Human sa inisyal nga pagtambal, gidala sa mga personnel sa Labason Municipal Fire Station ang pasyente ngadto sa Labason District Hospital alang sa dugang medikal nga eksaminasyon ug hustong pagtambal.(JENIFFER JR. DELICA)
Source: BFP R9 Labason Fire Station