Gi-assess sa mga personnel sa OSAC Center, Zamboanga del Norte Medical Center Medical Team ug Provincial Health Office ang 130 ka pasyente isip pagpangandam alang sa ika-292 nga Tzu Chi Foundation Medical Mission nga pagahigayonon sa Agosto 6 hangtod 8.
Lakip sa gi-assess ang 120 ka pasyente gikan sa Munisipyo sa Roxas nga giendorso alang sa libreng serbisyong medikal. Gi-accommodate usab ang 10 ka pasyente gikan sa ubang mga lungsod nga nanginahanglan og medikal nga tabang.
Gitumong sa maong assessment ang pagsiguro nga masuta ang kahimtang sa mga pasyente ug maandam ang ilang mga kinahanglanon sa dili pa ang medical mission.
Gilauman nga ang mga boluntaryong doktor gikan sa Tzu Chi International Medical Association o TIMA maoy mohatag og libreng ug dekalidad nga serbisyong medikal ngadto sa mga pasyenteng mapili sa ika-292 nga Tzu Chi Foundation Medical Mission.(JENIFFER JR. DELICA)
Source: Zamboanga del Norte Medical Center