Nagpahigayon ang Department of Trade and Industry (DTI)–RAPID Growth Project Zamboanga del Norte og “Training of Trainers for Youth Leaders” aron mapalambo ang entrepreneurial mindset ug leadership capacity sa mga kabatan-onan.
Kabahin kini sa Batch 3 sa Cascading Activity nga gitambongan sa mga partisipante gikan sa Siari Valley Agrarian Reform Beneficiaries Multi-Purpose Cooperative.
Gilaraw ang maong training aron matudluan ang mga kabatan-onan kabahin sa value chain systems, komunikasyon ug liderato isip preparasyon nila sa mas aktibong partisipasyon sa komunidad ug negosyo.
Pinaagi sa workshop presentations ug collaborative discussions, gidasig ang mga partisipante nga mahimong mas responsable, mamugnaon ug andam sa pagdala og mga inisyatiba nga makatabang sa lokal nga kalamboan.(IKEN B. GULLEM)
Source: Rapid Growth Project 9