Nangrugin ti maika-53 a National Music Competions for Young Artist (NAMCYA) MUSIKA PANAGTIPON: Music Camp Series a nangpasangbay iti nasurok tallo gasut a nakipaset manipud iti nadumaduma a probinsia iti intero a pagilian. Ti uppat nga aldaw a music camp, a maipatungpal agingga iti Mayo 24, 2026 nga inorganisar ti National Music Competitions for Young Artists (NAMCYA) iti pannakitinnulong ti City Government of Batac ken ti Provincial Government of Ilocos Norte, ket addaan iti lima a workshop categories: Traditional Music, Strings, Rondalla, Music Education, ken Choir. Panggep ti programa ti mangpadur-as kadagiti agtutubo nga mangpapigsa iti paglaingan iti musika, ken mangitandudo iti panangipateg iti musika ken kultura dagiti Filipino. Kabayatan ti opening ceremony a naangay iti ICC Main Theatre, nga sibabara nga inabrasa ni Mayor Markee R. Chua dagiti bisita, facilitator, mentors, ken dagiti nakipaset, nga inyebkasna ti panagpannakkel ken panagyaman ti City Government of Batac iti panangsangaili iti daytoy a tawen Music Camp Series. By: Niña Tabilos