Nagpakita og panaghiusa ang mga empleyado sa City Government of Dipolog sa pagtabang sa unloading ug pag-apod-apod sa bugas ubos sa “P20 Rice for All” program niadtong Abril 22, 2026 sa D’ Food Hub and Events Center sa Dipolog Boulevard.
Nagtinabangay ang lain-laing opisina sa siyudad aron masiguro nga hapsay ug organisado ang paghatag sa bugas ngadto sa mga benepisyaryo, nga kabahin sa programa sa lokal nga panggamhanan aron mapabarato ang pagkaon alang sa komunidad.
Ang maong aktibong partisipasyon sa mga empleyado nakatabang sa pagpadali sa proseso sa distribusyon, ilabina sa pagdumala sa daghang sako sa bugas nga giabot sa lugar.
Kini nga inisyatiba nagpunting sa pagpalig-on sa food accessibility sa siyudad, samtang gipakita usab ang koordinasyon ug panaghiusa sa gobyerno lokal sa paghatag og batakang serbisyo sa katawhan.(IKEN GULLEM)
Source: Dipolog City Government