Gipahigayon sa Local Disaster Risk Reduction and Management Office sa Liloy ang tulo ka adlaw nga Emergency First Aid ug BLS-CPR Training sa Barangay Goaw, Liloy, Zamboanga del Norte.
Gitumong sa maong pagbansay ang paghatag sa mga partisipante og batakang kahibalo ug kahanas sa paghatag og unang tabang ug hustong pagtubag sa mga emerhensiya.
Gipalig-on usab sa kalihokan ang kahandam sa komunidad pinaagi sa pag-andam sa mga lumolupyo sa posibleng mga insidente nga nagkinahanglan og dali ug epektibong responde.
Gilauman nga makatampo kini sa pagtukod og mas luwas, mas lig-on ug mas andam nga komunidad samtang gipalambo ang kultura sa kahandam, kalig-on ug bolunterismo sa Barangay Goaw.(JENIFFER JR. DELICA)
Source: LDRRMO Liloy