Mipartisipar ang mga personnel sa Katipunan Municipal Fire Station sa Coastal Clean-Up Activity isip kabahin sa pagsaulog sa Month of the Ocean niadtong nilabay nga adlaw.
Gipangulohan ni FINSP Richard A. Parame ang pag-apil sa Bureau of Fire Protection sa maong kalihokan nga gi-organisar sa CENRO Manukan ubos sa temang “Sustaining Ocean Health, Sailing Resilient Nation.”
Gihimo ang kalihokan aron mapalig-on ang paningkamot sa pagpanalipod ug pagpreserbar sa kinaiyahan sa kadagatan pinaagi sa hiniusang aksyon sa mga ahensya sa gobyerno ug komunidad.
Gidasig usab ang publiko nga padayon nga makigbahin sa mga kalihokan alang sa pag-atiman sa kalikupan ug pagpalambo sa kahibalo sa komunidad aron mamintinar ang limpyo, himsog ug lig-on nga palibot.(JENIFFER JR.DELICA)
Source:Katipunan CRS Katipunan Mfs