Sa kinatibuk-ang 26 ka partisipante, 21 lamang ang malampusong nakapasar sa Electrical Installation and Maintenance (EIM) NC II assessment nga gihimo sa Provincial Training Center sa Sindangan, Zamboanga del Norte niadtong Mayo 22 hangtod 24, 2026.
Ang mga nakapasar kabahin sa Cympil Situbo Alsa Masa Farmers’ Association nga miagi sa seryosong assessment nga naglangkob sa practical wiring, circuitry, maintenance, ug safety standards ubos sa koordinasyon sa TESDA ug sa ZN 2nd PMFC R-PSB Team.
Ang maong kalihokan gipasiugdahan ubos sa pagpanguna ni PLTCOL Edwin D. Verzon isip kabahin sa padayon nga livelihood ug skills development program aron mapalambo ang teknikal nga kahibalo sa mga miyembro sa komunidad.
Matud pa sa mga organisador, ang kalampusan sa 21 ka partisipante nagpakita sa padayon nga paningkamot sa PNP ug komunidad sa paghatag og mas daghang oportunidad sa trabaho ug panginabuhian pinaagi sa national certification.(IKEN B. GULLEM)
Source: PNP Zamboanga del Norte 2nd PMFC