Mibisita kang Governor Darel Dexter T. Uy sa Kapitolyo Probinsyal niadtong Agosto 10 ang bag-ong Officer-in-Charge Supervising Auditor sa Commission on Audit sa Zamboanga del Norte nga si State Auditor IV Atty. Restel R. Cornelio, atol sa iyang pagpaila isip bag-ong opisyal nga mangulo sa pagdumala sa audit sa mga lokal nga panggamhanan sa probinsya.
Sakop sa responsibilidad ni Atty. Cornelio ang duha ka siyudad ug 25 ka lungsod sa Zamboanga del Norte. Kauban niya sa maong pagbisita si Katherine E. Ortega, COA Zamboanga del Norte Audit Team Leader.
Atol sa ilang panag-istoryahanay, nahisgutan ang mga kalambuan ug kalampusan sa COA Zamboanga del Norte, lakip ang mga lakang alang sa mas epektibong pagpatuman sa mga polisiya ug buluhaton sa ahensya.
Si Cornelio usa ka lumad nga Dipolognon ug dugay nang nagserbisyo sa COA sa wala pa siya natudlo isip OIC-Supervising Auditor. Gipasalamatan usab sa mga opisyal sa COA ang suporta sa provincial government sa ilang mga buluhaton sa probinsya.(JENIFFER JR. DELICA)
Source: Zamboanga del Norte Provincial News Network