Gipakusog sa City Government of Dipolog ang pagpangandam alang sa 21st Dahunog sa Dipolog, usa ka tinuig nga kalihukan nga magpasiugda sa garbo, talento ug panaghiusa sa mga Dipolognon pinaagi sa nagkalain-laing kalihokan.
Isip kabahin sa pagpangandam, nagpahigayon og coordination meeting ang City Government uban sa Dipolog City Tourism, Culture and Arts Council niadtong Agosto 7, ug uban sa mga importanteng stakeholders niadtong Agosto 10 aron mapalig-on ang koordinasyon alang sa hapsay nga pagpatuman sa maong kalihukan.
Pinaagi sa maong mga tigom, gilaraw ang mga kinahanglanon ug koordinasyon sa nagkalain-laing sektor nga nalambigit sa 21st Dahunog sa Dipolog aron masiguro ang hapsay nga pag-andam ug pagpatuman sa mga kalihokan.
Sa pagkakaron, wala pa ipagawas ang opisyal nga iskedyul sa mga kalihukan alang sa 21st Dahunog sa Dipolog ug ipahibalo kini sa City Government sa umaabot.(JENIFFER JR. DELICA)
Source: Dipolog Tourism