Nagpahigayon ang personnel sa Dapitan City Fire Station og Fire Safety Lecture ug Fire Drill sa Rizal Memorial Institute, Barangay Potol, Dapitan City aron mapalambo ang kahibalo ug kahandam sa mga estudyante, magtutudlo ug school personnel panahon sa emerhensiya.
Gipangulohan ni FSINSP Rommel M. Rojas, REE, Acting City Fire Marshal, ang maong kalihokan diin gitudloan ang mga partisipante bahin sa fire prevention, emergency preparedness, hustong evacuation procedures ug paggamit sa fire extinguisher.
Gipahigayon usab ang aktuwal nga fire drill diin gipraktis sa mga estudyante, magtutudlo ug school personnel ang hustong pagtubag ug paggawas sa lugar atol sa simulated fire emergency.
Pinaagi sa maong kalihokan, gipalig-on sa Dapitan City Fire Station ang fire safety awareness ug emergency preparedness sa eskwelahan isip kabahin sa paningkamot nga mapamenos ang risgo ug mapanalipdan ang kinabuhi panahon sa sunog ug uban pang emerhensiya.(JENIFFER JR. DELICA)
Source: BFP R9 Dapitan City Fire Station