Nakadawat ang dakbayan sa Dapitan og Duha ka Plaque of Recognition, gikan sa Philhealth, tungod sa gibuhat niini nga Commitment sa Quality Health Care, atol sa gipahigayon nga 3rd Handog Pasasalamat, diin kalakip niini ang mga Stakeholders, didto sa Ariana Hotel, nga atua nahimutang sa Barangay Minaog, ning dakbayan sa Dipolog, ning Probinsiya sa Zamboanga Del Norte, niadtong nakalabay’ng adlaw, September 16, ning tuig 2025.
Nasayran nga ang nasangpit nga Award, gidawat ni Dr. Jidda B. Chan, ang City Health Officer sa Dapitan, kauban usab niini si Ms. Shaana R. Adasa, ang Medical Technologist I, sa naasoy nga Buhatan.
Matud pa nga ang Dapitan City Health Office, giila isip Top Konsulta Implementer Awardee, diin nakab-ot niini, ang Php10,000,000.00 Konsulta Capitation, kinsa nadayag niini ang paghatag og Primary Health Care Services, ubos sa PhilHealth Konsulta Program.
Sa laing bahin, laing usa pa ka Award ang nadawat sa Dapitan, diin gipasidunggan usab kini, isip Highest Remitting Employer Award (Local Government Employer) tungod sa Outstanding Contribution niini ngadto sa National Health Insurance Fund sa nakalabay nga tuig 2024.
Nasayran usab, nga gidawat ang maong Plaque of Recognition, pinaagi ni Ms. Anita A. Lagang, diin matud pa, ang nasangpit nga Award, gi-presentar pinaagi sa PhilHealth Regional Office IX, sa pagpanguna ni Regional Vice President Paulo Johann C. Perez, maingon man ni Florencio R. Luyao Jr., ang Chief of the Local Health Insurance Office, ning Probinsiya sa Zamboanga del Norte.(Juluis Esmade)
Source: CITY GOVERNMENT OF DAPITAN