Arestado sa mga personahe sa Dapitan City Police Station, ang usa ka Lalaking Wanted sa Krimen nga Qualified Theft (RPC Art. 310), pinaagi sa gipahigayon nga Joint Law Enforcement Operation, didto sa Barangay Polo, dakbayan sa Dapitan, ning Probinsiya sa Zamboanga Del Norte, kagahapong adlawa, Setyembre 17, 2025 sa may alas 12:20 sa undto.
Base sa pahayag nga giluwatan sa Dapitan Pnp, nga atol sa ilang gipahigayon nga Operasyon, bit-bit nila ang Warrant of Arrest batok sa Suspitsadong si alyas Jay Ar, ulitawo, ug usa ka Laborer, nga Lumolupyo sa Purok Bangus, sa Barangay Polo, sa nasangpit nga Siyudad ug Probinsiya, diin ang maong Warrant of Arrest naka doket ubos sa Criminal Case Number 28197, nga giisyu ni Felin Revelo Legara-Comidoy, ang Presiding Judge sa RTC, 9th Judicial Region, Branch 8, Dipolog City, Zamboanga Del Norte, penitsahan og Setyembre 15, ning tuig 2025.
Hinuon, gitugotan sa korte ang nahisgutang Suspect, nga makaangkon sa iyang temporaryong kagawasan, pinaagi sa pagtunol sa korte, og kantidad nga mokabat ngadto sa Php60,000.00, isip piyansa niini, bugti na sa iyang temporaryong kagawasan.
Samtang ang nasangpit nga dinakpan atua na ubos sa kustodiya sa Dapitan City Police Station, alang na sa tukmang disposisyon.(Julius Esmade)