Tugpa sa prisohan ang usa ka 24 anyos nga Sundalo, tungod sa kasong pagsupak sa SEC 5 (E) Economic Abuse, diin kini konektado sa Republic Act 9262, pinaagi sa gipahigayon nga Joint Law Enforcement Operation, nga gipangunahan sa mga personahe sa Dapitan City Police Station, didto sa Barangay Canlucani, dakbayan sa Dapitan, niadtong nakalabay’ng adlaw, Setyembre 17, 2025, sa may alas 2:45 sa hapon.
Base sa pahayag nga giluwatan sa Dapitan Pnp, nga gisikop nila ang nasangpit nga Suspetsadong si Alyas Bong, aktibong miyembro sa Arm Forces of the Philippines (AFP), nga naka destino didto sa Bicol Legaspi Headquarter, diin kini Lumolupyo sa Barangay Canlucani, sa dakbayan sa Dapitan, ning Probinsiya sa Zamboanga Del Norte, pinaagi sa Warrant of Arrest nga naka doket ubos sa Criminal Case Number 25-099, nga giisyu ni Florendo Bolante Opay, ang Presiding Judge sa Family Court, Ninth Judicial Region, Branch 4, Dapitan City, Zamboanga Del Norte, penitsahan og Setyembre 16, 2025.
Bisan sa salaod nga nabuhat sa nasangpit nga dinakpan, gitogutan kini sa korte nga maka piyansa sa kantidad nga Php36,000.00, bugti na sa iyang temporaryong kagawasan, samtang ang naasoy nga Suspetsado, atua na ubos sa kustodiya sa Dapitan City Police Station alang na sa tukmang disposisyon.(Julius Esmade)