Mitubag ang Shift A EMS duty personnel sa Liloy Municipal Fire Station, ubos sa pagpangulo ni FINSP Dave C. Dela Cruz, Acting Municipal Fire Marshal, sa vehicular accident sa Barangay Comunal, Liloy, Zamboanga del Norte niadtong nilabay nga adlaw.
Pag-abot sa responding personnel, nakit-an ang duha ka pasyente sa daplin sa karsada. Ang unang pasyente nakalingkod ug gitabangan sa iyang igsoon, samtang ang ikaduhang pasyente nakalingkod usab, may panimuot ug coherent. Sa inisyal nga pagsusi, ang unang pasyente adunay contusion sa occipital area, samtang ang ikaduha adunay gagmay nga samad sa tuo nga tuhod.
Gisusi dayon ang vital signs sa duha ka pasyente. Ang unang pasyente adunay palpable pulse, apan wala makuha ang pulse rate, SpOâ‚‚, ug blood pressure gamit ang available nga monitoring equipment. Ang respiratory rate niini natala sa 15 cpm, samtang gisusi ug gipadayon nga open ang airway ug gihatagan siya og oxygen therapy pinaagi sa nasal cannula.
Gibalhin pag-ayo ang duha ka pasyente ngadto sa BFP Ambulance ug gidala sa Liloy Integrated Health District Hospital alang sa dugang nga medical evaluation ug definitive management. Human sa biyahe, hustong giturn-over ang duha ngadto sa attending medical staff alang sa dugang nga evaluation ug pagdumala.(IKEN B. GULLEM)
Source: BFP R9 Liloy Fire Station