Dakpan ang usa ka 55 anyos nga lalaki atol sa gipatoman nga buy-bust operation sa mga personahe sa kapulisan mga alas 7:50 sa gabii niadtong Agosto 25, 2026,didto Purok Tabiong, Barangay Sto. Niño, Dapitan City, Zamboanga del Norte.
Ang maong dinakpan nga gidudahang drug personality nasikop sa mga operatiba sa Dapitan City Police Station (Dapitan CPS), uban sa koordinasyon sa Mabuhay Special Operations Unit 5th SOU ug Zamboanga del Norte Maritime Police Station (ZDN MARPSTA) ug nakumpiskahan sa gibana-bana nga 5 gramos nga gidudahang shabu nga nagkantidad ug P34,000 ka pesos.
Ang pagkadakop sa suspek gihimo pinaagi sa bisa Search Warrant nga gi-isyu ug gipirmahan sa Regional Trial Court, 9th Judicial Region, Office of the Executive Judge, Dipolog City, nga gipetsahan Agosto 18, 2026, kalabot sa giingong paglapas sa Republic Act No. 9165, o ang Comprehensive Dangerous Drugs Act of 2002.
Ang nadakpang suspek gipahibalo sa hinungdan sa iyang pagkadakop ug mga katungod konstitusyon sa usa ka pinulongan nga iyang hingpit nga nasabtan ug anaa na kini karon sa kustodiya sa Dapitan CPS diin naghulat sa pagpasaka sa angay nga reklamo kriminal ug hustong disposisyon.
Samtang ang mga nakumpiska nga droga gidala ngadto sa Zamboanga del Norte Provincial Forensic Unit alang sa kemikal nga eksaminasyon.(MEDALYN U. BORJA)
Source: ZNPPO