Nakig-uban ang Siocon District Jail sa pagsaulog sa ika-35 Anibersaryo sa Bureau of Jail Management and Penology o BJMP nga gipahigayon sa Siocon District Jail Multipurpose Court niadtong Agosto 25, 2026, ubos sa temang “BJMP@35: Disiplina at Responsibilidad sa Serbisyong may Kredibilidad.”
Gipangulohan ang kalihokan ni JCINSP Achmed Aziz A. Pia, Jail Warden, ubos sa pagdumala ni JCSUPT Amado A. Concepcion Jr., CESE, Regional Director sa BJMP Regional Office IX, kauban si JSSUPT Abner C. Zamora, Deputy Director for Administration. Gipasiugda sa selebrasyon ang disiplina, responsibilidad, integridad, ug propesyonalismo sa pagpatuman sa mga katungdanan.
Nahimong higayon usab ang maong selebrasyon aron mapalig-on ang panaghiusa ug dedikasyon sa mga jail personnel sa paghatag og luwas, hapsay, ug makatawhanong serbisyo sa mga Persons Deprived of Liberty o PDL ug sa komunidad.
Gipahinumdoman sa ika-35 Anibersaryo ang mga kawani sa ilang panata sa pagserbisyo nga adunay disiplina, malasakit, integridad, ug kredibilidad. Padayon nga ipatuman sa Siocon District Jail ang mandato sa BJMP alang sa luwas, hapsay, ug makatawhanong pagdumala sa mga piitan ug pag-atiman sa mga PDL.(JENIFFER JR. DELICA)
Source: Siocon District Jail- BJMPR9