Duha ka Executive Orders ang gipagawas ni Governor Darel Dexter Uy atul sa iyang paglingkod Hunyo 30 udto sa kagamhanang probinsyal sa Zamboanga del Norte.
Una mao ang Executive Order No. 1 Series of 2025 nga An Order Adopting the “Kuyog ta sa Bag-ong ZaNorte Agenda” as the Official Framework of the Provincial Government of Zamboanga del Norte to fulfiil its Mandate and Ensure the Timely and Efficient Implementation of Flagship Programs.
Sa maong Executive Order, ang Kuyog Ta sa Bag-ong ZaNorte Agenda nagsentro sa panglantaw sa bag-ong administrasyon alang na sa panaghiusa, mauswagon, ug pagpalig-on sa probinsya nga nakasandig sa maayong pangagamhanan, ekonomikanhong kompetisyon, katilingbang pagkapatas, malungtaron nga kalikupan, kalinaw ug kahusay.
Niini, gisaysay ni Governor Uy ang iyang prioridad sa pagdumala sa kagamhang probinsyal nga mao ang K-Kalambuan alang sa Tanan, U-Ugmad sa Agrikultura ug Turismo, Y-Yano nga Serbisyo, Dali nga Aksyon, O-Oportunidad para sa Kabatan-onan ug Kababayen-an ug G-Gobyernong Tinud-anay.
Hatagan usab ni Gvernor Uy ug dakong pagtagad ang health and medical services, education and scholarship, grassroots infrastructure, livelihood and jobs generation ug sustainable development.
Samtang ang Executive Order No. 2 Series of 2025, mao ang An Order Establishing The Bag-ong ZaNorte One Shop Asssitance Center (OSAC) To Streamline and Integrate the Delivery of Government Services to the People of Zamboanga del Norte.
Ang OSAC ilawum kini sa Office of the Provincial Governor nga magserbe isip usa ka centralized facility alang na sa paghatud ug halapad nga serbisyo sa gobyerno, ayuda ug frontline support alang sa katawhan sa Zamboanga del Norte.
Nasayran nga atul sa pagsulod ni Governor Uy sa kapitolyo sa Hunyo 30 sa udto, giubanan kini ni Dipolog City Mayor Roberto Uy ug kanhi gobernador sa probinsya, mga supporters ug gisugat sa mga opisyales sa probinsya nga gipanguluhan ni Vice Governor Julius Napigquit ug sa mabgang duot sa kawani sa kagamhanang probinsyal.
Si Governor Uy nahimo kining mayor sa dakbayan sa Dipolog sulod sa siyam ka tuig ug sa wala pa kini napili nga gobernador sa Zamboanga del Norte. (Angelica T. Obina)
Source: Zambo.del Norte PIC-Sheng Jumalon Bala