Ang buhatan sa Department of Agrarian Reform (DAR) Zamboanga del Norte,miduyog sa pagsaulog sa ika-112 nga anibersayo sa adlaw sa Dipolog,nga gipahigayon niadtong Hulyo 1,2025, didto sa D’Food Hub and Events Center ning dakbayan sa Dipolog sa may Boulevard.
Ang maong kasaulogan usa ka paghandom sa pagkatukod sa dakbayan sa Dipolog ug pagpahinumdom sa dakbayan sa kapin sa usa ka siglo sa pagtubo ug serbisyo.
Ang DAR Zamboanga del Norte pinaagi sa pagpangulo ni PARPO II Rizzel B. Villanueva, CESO V, mapasigarbuhong misalmot sa mahinungdanong kasaulogan.
Gipamatud-an pag-usab pag-usab sa buhatan sa DAR ang hugot nga pakigtambayayong sa kagamhanan sa dakbayan ug sa ilang makanunayong pagpabilin nga komitado sa pagsuporta sa mga inisyatibo sa repormang agraryo sa ahensya alang sa padayong kalamboan sa Dipolog.(Medalyn U. Borja)
Source: DAR Zambonorte