Giturn-over sa City Government sa Dipolog uban sa Republic Gas Corporation ang duha ka basketball court nga nahimutang sa Dipolog Boulevard sa seremonya niadtong nilabay nga mga adlaw.
Mitambong sa kalihokan sila Mayor Roberto Y. Uy, Vice Mayor Senen O. Angelese ug mga konsehal, uban usab si Regasco owner Arnel Ty ug mga representante sa Northstar LPG Regasco Dealers.
Gipakita sa maong turnover ang panagtambayayong sa lokal nga panggamhanan ug pribadong sektor sa paghatag og dugang pasilidad alang sa sports ug kalingawan sa komunidad.
Gilauman nga makatabang kini sa pagpalambo sa aktibong estilo sa kinabuhi sa mga residente ug maghatag og lugar alang sa panagtapok ug kalihokan sa mga kabatan-onan.(JENIFFER JR. DELICA)
Source: Dipolog City Government