Naghahatag og liboan ka oportunidad sa trabaho ug serbisyo ang ika-124 nga Labor Day Job Fair nga gipahigayon sa Dipolog City pinaagi sa Department of Labor and Employment uban sa suporta sa Probinsyal nga Panggamhanan sa Zamboanga del Norte.
Gipahigayon ang kalihokan sa Zamboanga del Norte Cultural and Sports Center diin mitambong sila Governor Darel Dexter T. Uy, Congresswoman Irene “Ate Ai” Labadlabad ug DOLE Provincial Head Aileen B. Mondejar, nga nagpakita sa hiniusang paningkamot sa pagtabang sa mga nangitag trabaho.
Sumala sa DOLE, 23 ka employers ang miapil ug nagtanyag og 1,962 ka bakanteng trabaho, diin 361 ka jobseekers ang narehistro, 249 ang kwalipikado, 165 ang near hires ug 22 ang hired-on-the-spot.
Giapil usab sa kalihokan ang paghatag og livelihood starter kits sa 30 ka benepisyaryo, sweldo sa 324 ka TUPAD workers, ug Kadiwa ng Pangulo nga adunay halin nga hapit 30 mil pesos, samtang gipasiugda nga padayon ang paningkamot sa gobyerno sa paghatag og trabaho ug panginabuhian sa mga Zanortehanon.(JENIFFER JR. DELICA)
Source: Zamboanga del Norte Provincial News Network