Gidali og responde sa Labason Municipal Fire Station ang usa ka babayeng pasyente sa Barangay Kipit, Labason nga nakasinati og grabe nga kasakit sa tiyan ug posibleng sayong pagpanganak.
Pag-abot sa lugar, gisiguro sa EMS team ang kaluwasan ug gihimo ang initial assessment, diin nasuta nga ang pasyente alerto apan nagreklamo og balik-balik nga contraction sa ubos nga tiyan, uban sa sakit sa likod ug pressure sa pelvic area.
Namatikdan usab ang pagdugo ug nabalita nga nabuka na ang panubigan sa pasyente, maong gipadayon ang close monitoring samtang giandam ang paspas nga pagdala niini sa ospital.
Giprioridad sa EMS ang dali nga transportasyon tungod sa risgo sa preterm delivery, nga nagpakita sa paspas ug maayong pagresponde sa mga personnel sa Labason Fire Station sa panahon sa emerhensya.(JENIFFER JR. DELICA)
Source: BFP R9 Labason Fire Station