Naangol ang duha ka sakay sa usa ka motorsiklo human kini maaksidente sa Poblacion, Tampilisan, Zamboanga del Norte niadtong Hulyo 7.
Mitubag dayon ang Local Disaster Risk Reduction and Management Office o LDRRMO Tampilisan aron hatagan og unang tabang ang duha ka biktima nga naglangkob sa usa ka 56-anyos ug usa ka 13-anyos, nga parehong residente sa Patawag Camul, Tampilisan.
Sumala sa LDRRMO, gagmay lamang nga mga samad ang naangkon sa duha ka pasyente. Human sa pag-assess ug paghatag og first aid sa lugar, wala na sila dad-a sa ospital.
Gipahinumdoman sa LDRRMO Tampilisan ang publiko sa pag-amping sa pagmamaneho aron malikayan ang mga aksidente sa dalan.(JENIFFER JR. DELICA)
Source: LDRRMO Tampilisan