Giilang Best City/Class “A” Municipal Police Station alang sa bulan sa Hunyo 2026 ang Dipolog City Police Station atol sa “Best of the Best” CPS/MPS Deliberation nga gipahigayon sa Zamboanga del Norte Police Provincial Office.
Ang maong kalampusan napasidunggan ubos sa pagpanguna ni PLTCOL Khisna B. Asaali, Chief of Police, tungod sa gipakitang maayong liderato, epektibong performance ug padayon nga pag-alagad sa publiko.
Ang pag-ila nagpamatuod sa padayon nga paningkamot sa Dipolog City Police Station sa pagmintinar sa kalinaw, kahapsay ug kaluwasan sa mga residente sa dakbayan.
Sumala sa estasyon, ang maong pagkilala magsilbing inspirasyon aron ipadayon ang episyente ug matinud-anong serbisyo alang sa katawhan sa Dipolog City.(JENIFFER JR. DELICA)
Source: PNP Dipolog City Police Station