Naghisgot ang Municipal Development Council o MDC sa Rizal sa mga nagpadayon nga programa, proyekto ug prayoridad sa lokal nga panggamhanan atol sa ilang miting niadtong Hulyo 7.
Gitambongan sa maong tigom sa mga lokal nga opisyal, partner agencies ug mga stakeholder aron hisgutan ang kahimtang sa nagkalainlaing proyekto ug ang mga lakang nga pagapatumanon alang sa padayon nga kalamboan sa lungsod.
Girepaso usab sa konseho ang mga gisugyot nga programa ug development initiatives nga gilauman makatabang sa pagpalambo sa serbisyo publiko ug pagpalig-on sa sustainable ug resilient nga kalamboan sa Municipality of Rizal.
Sumala sa lokal nga panggamhanan, ang Municipal Development Council nagpadayon sa pagpalig-on sa koordinasyon ug partisipasyon sa tanang sektor aron masiguro nga ang mga programa sa gobyerno motubag sa panginahanglan sa mga Rizalian.(JENIFFER JR. DELICA)
Source: Municipality of Rizal