Gilauman nga makapalig-on sa serbisyo publiko ug kalihokan sa komunidad ang bag-ong duha ka andanang Multipurpose Building sa Konseho sa Barangay Gampis, human kini opisyal nga giturn-over.
Gipangunahan ang turnover ceremony ni Irene “Ate Ai” Labadlabad kauban si Glona G. Labadlabad, Nilo Florentino Z. Sy ug mga miyembro sa Sangguniang Bayan.
Kini nga proyekto, nagkantidad og P2,880,744.64 nga naglangkob sa usa ka modernong pasilidad nga magamit alang sa mga miting, programa, ug nagkalain-laing kalihokan sa barangay. Sumala sa mga opisyal, ang pagtukod niini resulta sa panaghiusa sa nasyonal ug lokal nga pangagamhanan aron mapalambo ang imprastraktura sa kabanikanhan.
Gilauman nga pinaagi sa bag-ong multipurpose building, mas mapadali ang paghatag og serbisyo sa katawhan ug mas mapalig-on ang panaghiusa sa mga residente sa Barangay Gampis.(IKEN B. GULLEM)
Source: Local Government Unit of Sindangan