Nag-atubang og seryosong kaso ang usa ka boarding house caretaker human siya giingong mihilabot sa iyang boarder sa Ybañez Compound, Barangay Mambaling, pasado alas-3 sa kaadlawon, Huwebes, Nobyembre 20, 2025.
Giila ang suspek nga si alias “Harry,” 35 anyos, ulitawo, ug nagpuyo ra sa samang lugar.
Ang biktima, si alias Ellen, 25 anyos, nagtrabaho sa usa ka hotel sa siyudadsa Sugbo. Mitug-an siya sa kapulisan nga samtang natulog, giingong misulod sa iyang kwarto ang suspek ug gihimo ang dili angay buhaton batok sa iyang kabubut-on.
Base sa blotter sa Mambaling Police Station, gi-report sa biktima nga ang suspek mi-insert sa iyang tudlo sa sensitibo nga parte sa lawas sa biktima, nga nagresulta sa iyang pagkahadlok ug pagkahugno sa emosyonal nga kahimtang.
Diritso nga gidakop ang suspek ug gidetener sa presinto samtang giandam ang pormal nga reklamo.
Kasong rape ang ipasaka batok kang “Harry” ubos sa Republic Act 8353 (Anti-Rape Law), ug karon nagpadayon ang imbestigasyon sa kapulisan.
Ang kapulisan nag-awhag usab sa publiko nga mo-report dayon sa mga awtoridad kung adunay susamang kahimtang aron mapanalipdan ang mga residente sa komunidad.
I via Renante Socia Lada