Gipakusgan sa Department of Social Welfare and Development ang mga programa alang sa panginabuhi, puy-anan ug panglawas sa mga komunidad sa Sirawai ug Sibuco, Zamboanga del Norte atol sa convergence visit ni DSWD Secretary Rex Gatchalian.
Mainitong gidawat si Sec. Gatchalian sa mga representante ni Congressman Ian Amatong nga sila Board Member Atty. Leo Nicanor Mejorada ug Board Member Venus Uy, kauban sila Mayor Jazz Janihim ug Mayor Joel Ventura.
Lakip sa mga kalihokan ang inspeksyon sa Isolation Facility ug Health Care Facility sa Brgy. Guban sa Sirawai, turnover sa SLPA cheques alang sa mga people’s associations, ug ribbon-cutting sa 75 MSAP Housing Units sa Brgy. Jatian sa Sibuco.
Matud ni Sec. Gatchalian, padayon nga suportahan sa DSWD ang mga livelihood projects sama sa salt-making ug egg production aron makahatag og dugang kita sa mga residente.
Gipasiugda usab niya ang plano sa gobyerno nga himuong sustainable communities ang mga lugar nga kaniadto naapektuhan sa kagubot pinaagi sa paghatag og housing, healthcare ug livelihood assistance.(IKEN B. GULLEM)
Source: Team Adrian Amatong