Andam na ang mga Batang Dipag delegates sa Department of Education Dipolog City alang sa ilang partisipasyon sa unang Zamboanga Peninsula Environmental Encampment 2026 nga pagatambongan sa mga batan-ong environmental advocates gikan sa tibuok Region IX.
Ang maong encampment naglangkob sa usa ka regional convergence sa mga kabatan-onang lider nga maghiusa sa pagpasiugda sa environmental protection, sustainability, ug climate action. Tumong niini nga mapalig-on ang kooperasyon sa mga eskwelahan ug komunidad sa pagtabang sa pagpanalipod sa kalikupan ug pag-atubang sa mga hagit sa climate change.
Sumala sa DepEd Dipolog, ang mga estudyanteng delegado gilangkuban sa mga aktibong lider-estudyante nga napili tungod sa ilang padayon nga partisipasyon sa environmental initiatives sulod sa ilang mga eskwelahan ug komunidad. Sila ang magrepresentar sa siyudad pinaagi sa mga diskusyon, workshops, ug collaborative learning activities sa maong encampment.
Gilauman usab nga ang ilang partisipasyon makatabang sa pagpalapad sa kahibalo sa environmental leadership ug makapalig-on sa ilang papel isip kabatan-onang tigpasiugda sa mga inisyatiba alang sa mas limpyo, mas berde, ug mas malungtarong kaugmaon sa rehiyon.(IKEN B. GULLEM)
Source: DepEd Dipolog Youth Learner Formation Unit (Batang Dipag)