Giturn-over sa lokal nga panggamhanan sa Polanco ang Drainage System Phase 1 nga nahimutang sa Regencia Street ug P. Garcia Street sa Poblacion South aron matabangan ang dugay nang problema sa pagbaha sa maong lugar kada ting-ulan.
Gipasiugda sa municipal government nga gi-prayoridad ang proyekto tungod kay flood-prone ang maong dapit ug kulang sa maayong drainage system nga maoy hinungdan sa pagsaka sa tubig panahon sa kusog nga ulan.
Gilauman nga makatabang ang bag-ong drainage canal sa mas maayong agas sa tubig ug pagpakunhod sa baha nga makaapekto sa mga residente ug motorista sa lugar.
Gipahibalo usab sa lokal nga panggamhanan nga padayon na ang implementasyon sa Phase 2 aron mas mapalapad pa ang coverage sa drainage system isip kabahin sa paningkamot alang sa mas luwas ug mas maayong serbisyo sa mga Polancohanon.(JENIFFER JR. DELICA)
Source: Mayor Ying Uy