Mikortesiya ang National School Press Conference (NSPC) 2026 Radio Scriptwriting and Broadcasting–Elementary English Team sa Dipolog Pilot Demonstration School (DPDS) kang School Principal Mr. Remegio D. Gabonada ug Dipolog City Mayor Roberto Y. Uy human sa ilang talagsaong kadaugan sa NSPC 2026 nga gipahigayon sa Ormoc City, Leyte.
Nakapasidungog pag-usab sa DPDS ug sa Dakbayan sa Dipolog ang maong grupo pinaagi sa pagdepensa sa ilang korona isip 2-Peat Champions sa Radio Scriptwriting and Broadcasting–Elementary English. Nakadaog usab sila sa 1st Place Best Radio Production, 2nd Place Best News Presenter pinaagi ni Pearl Jezzel I. Ajo, ug 3rd Place Best Technical Director pinaagi ni Rofritz Matthew D. Nery.
Gidayeg usab si Marigold M. Opre, MT-II, nga giila isip RSBE Coach ug Most Outstanding School Paper Adviser sa Elementary Level alang sa School Year 2025-2026 sa Region IX tungod sa iyang dakong kontribusyon sa kalampusan sa mga estudyante.
Gihulagway sa maong courtesy visit ang pagpasalamat sa grupo sa padayong suporta sa administrasyon sa eskwelahan ug sa lokal nga panggamhanan, nga nagpalig-on sa paglambo sa edukasyon ug nagdasig sa mga kabatan-onan sa pagtinguha sa kahusayan.(JENIFFER JR. DELICA)
Source: Dipolog Pilot Demonstration School- SDO Dipolog