Mitubag dayon ang mga personnel sa Sindangan Central Fire Station sa usa ka emergency call didto sa Barangay Mandih, Sindangan, Zamboanga del Norte niadtong Hunyo 7 ubos sa pagpangulohan ni FSINSP FRANCIS CARL T. PAULITE, MPA, Municipal Fire Marshal.
Naabtan sa responding team ang usa ka babayeng pasyente nga mahigmata ug naghigda sa salog. Sa inisyal nga assessment, mireklamo kini og grabeng kasakit sa tuo nga hawak nga gibanabana og 10 sa 10 sa pain scale.
Gihatagan dayon og unang tabang ang pasyente pinaagi sa cold compress, pagbutang og cervical collar, ug pag-immobilize kaniya sa stretcher aron malikayan ang dugang kadaot. Gisukod usab ang iyang vital signs sa wala pa siya ibalhin ngadto sa pasilidad medikal.
Gidala ang pasyente ngadto sa Sindangan District Hospital alang sa dugang eksaminasyon ug pag-atiman medikal, diin hapsay siyang gitugyan sa mga healthcare personnel. Sumala sa BFP, ang paspas ug koordinadong pagresponde sa ilang mga personnel nakatabang sa pagsiguro sa kaluwasan sa pasyente atol sa emerhensiya.(JENIFFER JR. DELICA)
Source: BFP R9 Central Fire Station v2