Gipahigayon sa Department of Science and Technology Region Nueve Regional Standards and Testing Laboratories ang ilang Performance Review niadtong nilabay nga adlaw sa La Casa Maria, aron susihon ang mga nahimo, performance indicators, ug mga hagit nga naatubang sa laboratoryo sulod sa tuig.
Gipresentar ni Deputy Laboratory Head Julius T. Fojas ang mga highlights sa performance, nagpadayon nga mga inisyatibo, ug mga lugar nga gikinahanglan pa og pagpaayo. Iyang gipaila usab ang tulo ka tuig nga mga kalampusan sa OneLab Project, nga gilauman matapos sa Disyembre 2025.
Mitambong usab si Ms. Rosemarie S. Salazar, OIC sa Office of the Regional Director, nga nagpamatuod sa suporta sa pamunuan sa padayong pag-uswag sa laboratoryo. Ang kalihokan nagsilbing higayon sa pagplano ug pagpalig-on sa komitment sa RSTL sa paghatag og dekalidad nga serbisyo alang sa panglawas sa publiko, industriya, ug mga kinahanglanong regulasyon.(JENIFFER JR. DELICA)
Source/Photo Courtesy: DOST Regional Office No. IX