Gitambongan sa mga empleyado sa Lokal nga Pangagamhanan sa Piñan ang usa ka learning session kabahin sa mga bag-ong update sa Civil Service Commission ug onboarding sa LGU policies. Ang kalihokan nagtumong sa pagpalig-on sa kahibalo sa mga kawani sa kasamtangang mga patakaran ug pamalaod sa serbisyo publiko.
Atol sa sesyon, gituki ang mga giusab ug gipahugot nga mga giya sa Civil Service Commission aron masiguro ang pagsunod sa hustong pamatasan, disiplina, ug epektibong pagdumala sa opisina. Gipasabot usab ang mga internal nga polisiya sa LGU aron magkausa ang pagsabot sa responsibilidad ug proseso sa trabaho sa tanang empleyado.
Pinaagi sa maong inisyatiba, gipakita sa LGU Piñan ang padayong paningkamot sa pagpausbaw sa kalidad sa serbisyo publiko, pagpalig-on sa maayong pamalaod, ug paghatag og episyente ug matinud-anong serbisyo alang sa tanang Piñanian.(JENIFFER JR. DELICA)
Source/Photo Courtesy: Mayor Rommel Gudmalin