Nagpundok ang Schools Division Office (SDO) sa Dapitan City, kaniadtong nilabyng adlaw sa Ariana Hotel sa Dipolog City alang sa “Shrine of Excellence”: CY 2025 Performance Accomplishment Review ug Strategic Alignment.
Ang kalihokan nagtumong sa pagtan-aw ug pag-ayo sa mga nahimo sa dibisyon base sa SHRINE Strategic Framework ug sa Performance Management and Evaluation System (PMES) sa Department of Education.
Gipresentar sa mga hepe sa Curriculum Implementation Division (CID), School Governance and Operations Division (SGOD) ug Office of the Schools Division Superintendent (OSDS) ang mga importanteng datos ug kalampusan sa tibuok tuig. Misunod ang mga Public Schools District Supervisors (PSDS) ug mga Principals In-Charge of the Districts (PICD) nga mipadayag sa mga milestone sa ilang tagsa-tagsa ka distrito.
Giawhag ni Schools Division Superintendent Jay S. Montealto, EdD, JD, CESO VI ang tanan nga tan-awon ang mga kakulangan dili isip kapakyasan, kundili isip hagit ug pundasyon alang sa mas maayong plano sa 2026.
Natapos ang kalihokan pinaagi sa seremonyas sa pagpasidungog sa mga opisyal ug empleyado nga mipakita og kahusayan, nga nagpalig-on sa paningkamot sa DepEd Dapitan City alang sa kalidad ug responsableng edukasyon.(IKEN B. GULLEM)
Source: DepEd Tayo- Division of Dapitan City