Gipatuman sa Department of Health – Zamboanga Peninsula Center for Health Development (DOH ZPCHD) pinaagi sa National HIV, AIDS, and STI Prevention and Control Program (NASPCP) ang usa ka pagbansay sa “Primary HIV Care ug HIV Pre-Exposure Prophylaxis (PrEP) Management” alang sa mga City ug Municipal Health Officers sa Zamboanga del Norte.
Ang kalihokan gihimo sa Mibang Hotel, Dipolog City, ug nakatutok sa pagpalig-on sa kahibalo sa mga health frontliners sa sayong pag-detect, husto nga pag-atiman, ug modernong pamaagi sa pagpugong sa HIV infections.
Gipasiugda sa DOH nga ang PrEP usa ka importante nga preventive intervention nga makatabang sa pagpakunhod sa risgo sa HIV transmission, samtang ang maayong primary care nagpalig-on sa treatment outcomes sa mga pasyente.
Sumala sa ahensya, ang pagbansay kabahin sa padayon nga estratehiya sa pagpalapad sa kapasidad sa mga lokal nga health units aron mapaspasan ang response sa HIV-related concerns ug mapalambo ang kalidad sa serbisyo sa komunidad.
Gilauman nga pinaagi sa mas lig-on nga kahibalo ug kasinatian sa mga health officers, mas mapalig-on ang lokal nga kampanya batok sa HIV ug masiguro nga mas accessible ug inclusive ang serbisyo panglawas sa rehiyon.(IKEN B. GULLEM)
Source: DOH ZAMBOANGA PENINSULA CHD