Naangol ang usa ka 70-anyos nga lalaki human maaksidente ang motorsiklo sa Barangay Pukay, Salug, Zamboanga del Norte niadtong Mayo 8, 2026.
Midali usab og responde ang Salug Municipal Fire Station uban sa MDRRMO rescuers ug ilang nakit-an ang pasyente nga naglingkod sa daplin sa dalan, conscious ug responsive bisan adunay mga samad sa nawong ug daghang gasgas sa tiil.
Gilayon siyang gihatagan og first aid treatment sulod sa rescue vehicle lakip ang paglimpyo sa mga samad gamit ang povidone-iodine ug pagbutang og sterile dressing.
Bisan sa iyang kahimtang, midumili ang pasyente nga dad-on pa sa ospital alang sa dugang pagtambal, samtang nagpahimangno ang BFP sa publiko nga mag-amping sa pagbiyahe ilabi na panahon sa dili maayong panahon.(JENIFFER JR. DELICA)
Source: Bfp Salug