MANUKAN, Zamboanga del Norte — Nagpahigayon ang Bureau of Fire Protection Zamboanga del Norte og outreach activity sa Serongan Elementary School sa Barangay Serongan, Manukan, isip kabahin sa Acts of Kindness initiative ubos sa pagpanguna ni FSUPT Richard C. Timosa, DSC, Acting Provincial Fire Marshal.
Duha ka fire extinguishers ang gihatag sa maong eskwelahan isip suporta sa pagpalig-on sa fire safety ug pagpanalipod sa mga estudyante, magtutudlo ug komunidad. Gihatagan usab og snacks ang mga estudyante isip dugang nga pamaagi sa pagpakita og pagtagad ug pag-atiman sa kabatan-onan.
Pinaagi sa maong inisyatiba, gipakita sa BFP Zamboanga del Norte nga ang pagserbisyo sa komunidad dili lamang kutob sa pagtubag sa mga emerhensiya, kondili apil usab ang pagpalig-on sa kahibalo ug kahandaan sa fire safety sa mga eskwelahan ug komunidad.
Nagpadayon ang BFP sa pagpalapad sa mga kalihukan nga nagtumong sa paghatag og tabang ug pagpalig-on sa kaluwasan sa mga komunidad, ilabina sa mga lugar diin dako ang panginahanglan sa fire safety support.(JENIFFER JR. DELICA)
Source: BFP R9 Zamboanga del Norte Provincial Office