Giablihan na sa Dipolog City ang bag-ong Dipolog Skate Park ubos sa pormal nga seremonya niadtong Mayo 19, 2026 sa Dipolog Boulevard, isip dugang pasilidad alang sa kabatan-onan ug mga mahiligon sa sports sa siyudad.
Gipangulohan ni Roberto Y. Uy ang kalihokan kauban si Darel Dexter T. Uy, Senen O. Angeles, ug ubang opisyal sa siyudad ug probinsya nga mitambong sa opisyal nga pagbukas sa maong pasilidad.
Mitambong usab sila City Councilors Harrison T. Young ug Dr. Ryan Niel A. Asprer, samtang nagpakita og suporta ang Sangguniang Kabataan Federation pinaagi ni SK Federation President Kristine Irish May M. Cuenca alang sa dugang kalihokan para sa mga batan-on.
Gilauman sa lokal nga kagamhanan nga mahimong luwas ug aktibong lugar ang skate park alang sa recreation, sports development, ug youth engagement aron mas mapalig-on pa ang aktibong komunidad sa Dipolog City.(JENIFFER JR. DELICA)
Source: Dipolog City Government