Nagpadayon sa serbisyo gawas sa badge ang kapulisan sa Dipolog City Police Station pinaagi sa paglunsad og livelihood program alang sa Sinaman Women’s Association.
Gipangunahan ni PCPT Charlot M. Lapiz, WCPD/CAD Officer, ug gisuportahan ni Barangay Chairperson Nora S. Dalmacio, ang kalihokan nga gipahigayon sa covered court sa Barangay Sinaman.
Sentro sa aktibidad ang hands-on training sa cake baking ug paghimo og puto cheese. Giagak ang mga partisipante sa hustong pagsukod sa sangkap, sakto nga pag-mix, ug insakto nga pamaagi sa pag-bake aron masiguro ang kalidad sa produkto.
Tumong sa programa nga hatagan og dugang kahibalo ug kahanas ang kababayen-an aron makasugod og gamay’ng panginabuhian ug makatabang sa kita sa ilang pamilya.
Gipakita usab sa inisyatiba ang lig-on nga panag-uban sa kapulisan ug komunidad sa pagpalambo sa grassroots livelihood ug pagpalig-on sa partisipasyon sa kababayen-an sa lokal nga kalamboan.(JENIFFER JR. DELICA)
Source: Dipolog City Police Station, ZNPPO